Дубалар

    ا للَّهُمَّ رَبَّ هَذِهِ الدَّعْوَةِ التَّامَّةِ وَالصَّلَاةِ الْقَائِمَةِ آتِ مُحَمَّداً الْوَسِيلَةَ وَالْفَضِيلَةَ وَالدَّرَجَةَ الرَّافِعَةَ وَابْعَثْهُ مَقَاماً مَحْمُوداً الَّذِي وَعَدْتَهُ إَنَّكَ لَا تُخْلِفُ الْمِيعَا دَ Аллахумма Рабба хаазихид даъватит-тааммати вассалаатил кааима, аати Мухаммаданил васиилата вал фадийлата ваддаражатар-раафиъа, вабъасху макаамам махмуданиллази ваъадтаху,  иннака лаа тухлифуль  миъаад. Оо, Аллахым, ушул толук кынтыксыз чакырык менен окулчу намаздын Эгеси! Мухаммедке керемет   жакынчылыкты, орошон өзгөчөлүктү жана бийик  даражаны тартуулай көр!  Аны Өзүң убада кылган  « Махмуд макамына »  жеткиз.  Сен убадаңдан күмөнсүз кайтпайсың. Азан айтылып бүткөн соң жогорудагы дубаны окуган адамга өз шапааты насип болоорун Пайгамбарыбыз (саллаллаху алейхи васаллам) айткан эле деп Азирети Жабир (радыяллаху анх) баяндаган. (Бухари, Азан, 8, Тафсири сүрөө, 17; Муслим, ...

الْحَمْدُ لِلَّهِ الَّذِي أَحْيَانَا بَعْدَ مَا أَمَاتَنَا وَإِلَيْهِ النُّشُورُ "Альхамду лиллаахиллазии  ахйаана баъда маа амаатанаа ва илайхин-нушуур" Мааниси : Бизди өлтүргөндөн кийин кайра тирилткен Аллахка хамд болсун. Тирилип Ага кайтабыз. Бул хадис көптөгөн сахих хадис китептеринде кездешет. Бул хадисти баяндаган Абу Зарр менен Хузайфа ибн Йемаан хазреттери (радыяллаху анхум ажмаин), Пайгамбарыбыз (саллаллаху алейхи васаллам) ар бир таң атканда уйкудан ойгонгондо ушул дубаны окучу деп баяндашкан. (Сахихи Бухарий, Даават, 5837; Сахихи Муслим, Китабуз-Зикр, 4886; Сунани Ибни Маажа, Китабуд-Дуа, 3870; Муснади Ахмад, Муснадуль-Ансар, 20404)

حَسْبِيَ اللّهُ لا إِلَهَ إِلاَّ هُوَ عَلَيْهِ تَوَكَّلْتُ  وَهُوَ رَبُّ الْعَرْشِ الْعَظِيمِ Окулушу : Хасбияллааху Лаа Илааха Иллаа Хува, Алайхи Таваккалту, Ва Хува Раббуль Аршиль Азиим. Мааниси : "Мага Аллах жетиштүү. Андан башка Кудай жок. Ага тобокел* кылдым. Ал Улуу Арштын Эгеси." (Тауба сүрөөсү, 9/129) *тобокел - Ага таяндым, Андан гана жардам тиледим Түшүндүрмө Абу Дауддун Сунанындагы бир хадисте Абу Дарда (радыяллаху анх) ушундай баяндайт: Пайгамбарыбыз (Саллаллаху алейхи васаллам) ушундай деди: "Кимде-ким эртең менен же кечинде жогорудагы аятты жети жолу окуса, чын-жүрөктөн берилип, же болбосо жалган эле окуса да, ар кандай муктаждыктарында Аллах Таала жетиштүү болот" (Сунанды шархын жазгандар "чын жүрөктөн берилип/садык" деген сөздү "маани-мазмунун толук түшүнүп, ыкылас менен айтуу", ал эми "жалгандан эле/казиб" деген сөздү болсо "жүрөк менен сезбестен, адат катары кайталоо" деп чечмелешкен. "Аллах...